Lovar 21,4 milliardar kroner til Afghanistan

Internasjonale gjevarar har lova å gi til saman 21,4 milliardar kroner i humanitær hjelp til Afghanistan på ein internasjonal naudhjelpskonferanse, melder FN. Men på førehand hadde dei bede land donere til saman 38 milliardar kroner for å få finansiert naudhjelp til landet. Utanriksminister Anniken Huitfeldt (Ap) lova på konferansen at Noreg skulle bidra med 700 millionar kroner.