Jenta i Halden funnen
Ei to år gamal jente hadde forlate ei adresse i Tistedal i Halden kommune. Jenta er no funnen, melder Øst politidistrikt klokka 20.51.
– Då er jenta funnen i skogsterrenget eit stykke unna bustad. Er i god form og no saman med familien sin. Det var ein engasjert bebuar som fann ho, skriv politiet.
Politiet var på staden og bidrog med å leite. Politiet oppmoda folk til å ringe naudtelefonen om dei møtte på jenta. Ho har blondt hår, var iført ein kvit body og gjekk berrbeint.
Politiet sette inn ekstra ressursar i leitinga. Mellom anna er politihelikopteret rekvirert, opplyste dei. Frivillige blei også henta inn for å bidra til søket.
– Det er ein del busetnadar i området, men også skog og bratte skrentar, skriv Øst politidistrikt.
Politiet melde først om hendinga klokka 19.54.