Leger uten grenser: Auke i feilernærte barn i Jemen

Talet på feilernærte barn i Jemen aukar, melder Leger uten grenser. Frå januar til oktober fekk 7600 barn behandling for feilernæring av organisasjonen, som vil seie 36 prosent fleire enn året før.

Leger uten grenser meiner auken skuldast stigande matvareprisar, mangel på tilgang til helsetenester og manglar i den humanitære bistanden.

Sidan 2014 har det vore krig mellom regjeringsstyrkane med støtte frå Saudi-Arabia og houthi-opprørarar. Krigen har ført til store øydeleggingar på infrastruktur og helsevesen i landet.