Lastebilsjåføren er stabil etter velt på E18
Lastebilsjåføren som blei frakta til sjukehus med kritiske skadar etter at eit vogntog velta på E18 ved Bygdøy-lokket i Oslo i natt er nå stabil, skriv operasjonssentralen på Twitter. Vedkommande blir ikkje lenger rekna som kritisk skadd.
Trafikken i retning Oslo går nå som normalt, og politiet er ferdig på staden. Klokka 06.18 skreiv politiet at vogntoget var dratt opp på hjula igjen. E18 er framleis stengd ved Bygdøylokket i retning Drammen, opplyser Statens vegvesen.