Politiet gjør undersøkelser på to åsted i Molde onsdag formiddag
Foto: Roar Strøm / NRK

Kvinne drept i Molde

Oppsummert

24 år gamle Helen Luel Asefaw vart funnen død i Molde 24. november. Ein tenåringsgut vart og livstruande skadd, men er i betring. Ein mann i 20-åra er sikta for drap og grov kroppsskade.

  • Nye avhøyr på måndag

    Politiet held framleis på med å gjennomgå materialet dei har fått inn i samband med etterforskinga av eit drap og ei valdshending i Molde førre veke. – Det er mykje ein skal gå gjennom, så det vil ta tid, seier politiinspektør Yngve Skovly.

    På måndag vil det også bli gjennomført nye avhøyr av den sikta mannen i 20-åra. Det er endå usikkert når guten i tenåra, som blei skadd i valdshendinga, kan bli avhøyrt. Han ligg framleis innlagd ved St. Olavs hospital i Trondheim. Helsetilstanden til guten vil avgjere når han kan bli avhøyrt.

  • – Har danna seg eit bilde

    Etterforskinga av eit drap og ei valdshending i Molde førre veke er godt i gong. Det seier politiinspektør Yngve Skovly. Politiet held framleis på med analysar av digitale spor og bildemateriale, i tillegg til avhøyr av ein rekke vitne. – Vi meiner å ha god kontroll på hendingsgangen og byrjar å danne oss eit godt bilde av det som har skjedd, men vi kan ikkje seie noko meir om dette før vi har fått avhøyrt alle dei involverte, seier Skovly.

    Tidlegare i dag opplyste politiinspektøren at tenåringen som ligg innlagd på St. Olavs er våken og vil bli avhøyrt så snart det let seg gjere.

    Politiet gjekk tidlegare ut å bad om videomateriale frå Molde. Skovly seier at dei har starta å sjå på det dei har fått inn, men at dei framleis ber folk om å ta kontakt om dei har slike opptak.

  • Nye avhøyr over helga

    Det blei i går gjennomført nye avhøyr av den sikta i drapssaka i Molde. Natt til onsdag førre veke blei ei kvinne funnen død i heimen sin i Molde. Ein mann i 20-åra er sikta for drap og grov kroppsskade etter hendinga.

    Mannens forsvarar, Roy Peder Kulblik, seier at det ikkje blir nye avhøyr før etter helga. Den sikta erkjenner ikkje straffskuld for drapet – Forklaringa hans er framleis at han ikkje hugsar kva som skjedde, seier Kulblik til NRK.

Nyhetstips 03030

Er du der det skjer eller vet noe vi burde vite? Ta kontakt på 915 03030 eller 03030@nrk.no