Kritiserer valet i Russland

Både Storbritannia og USA kritiserer valet som blei heldt i Russland.

Storbritannia kallar det «eit seriøst tilbakesteg for demokratisk fridom», og seier tiltaka rundt valet er i strid med dei internasjonale forpliktingane som Russland har inngått. Dei viser mellom anna til at landet skal ha sensurert sjølvstendige medium og ekskludert viktige opposisjonskandidatar frå å delta i valet.

USA meiner Russland har hindra folk i å utøve sine borgarlege plikter. Valet enda med overlegen siger til Putins parti, Foreinte Russland, som fekk nesten halvparten av alle stemmene.