Konspirasjonsteoretikar nekta innreise i Schengen
Nederland nektar den britiske konspirasjonsteoretikaren David Icke innreise. Han er med det i praksis utestengt frå heile Schengen-området, inkludert Noreg.
Utestenginga gjeld i to år. Grunngjevinga for utestenginga er at Icke blir sett på som ein fare for offentleg ro og orden.
70 år gamle Icke har ei fortid som fotballspelar og sportskommentator i BBC. Han skulle etter planen ha talt under ein demonstrasjon i Amsterdam laurdag, organisert av fleire høgreekstreme organisasjonar.