Kong Harald har forlate Rikshospitalet
Hans majestet kong Harald er i dag skriven ut frå Rikshospitalet. Han blei førre veke innlagd for behandling av ein infeksjon.
– Heldigvis går det veldig bra, og han er på veg heim no, seier dronning Sonja til NRK.
Kongen er framleis sjukmeld ut morgondagen, skriv Kongehuset på sine nettsider. Det er enno uvisst om kongen vil delta på på 17. mai som planlagd.
– Det trur eg blir avgjort i morgon. Vi håpar det, seier dronning Sonja.
Kongen har vore innlagd på Rikshospitalet fleire gonger dei siste åra. Sist gong var i desember i fjor, òg då med ein infeksjon.