Kan stenge grensa til 2022

Australia kan halde stengt for tilreisande heilt fram til slutten av neste år, det opplyser handels- og turistministeren i landet. Den nye smittebølgen i India viser at Australia sitt nærmast totalforbod mot innreise framleis er naudsynt for å halde landet virusfritt, seier statsråden. Før pandemien kom kring 1 million korttidsreisande kvar månad, no er talet på kring 7 000. Dei få som får løyve til å reise inn, må sitte 14 dagar i hotellkarantene.