Jordskjelvet i Tyrkia og Syria: Nær 2000 døde
Totalt har 1904 personar blitt bekrefta omkomne etter jordskjelvet som ramma sørlege Tyrkia og nordlege Syria måndag natt. Det melder nyheitsbyrået AFP.
Kriseberedskapen i Tyrkia har sagt at minst 1121 personar har omkomne som følge av jordskjelvet, i tillegg er nær 8000 menneske skadde. I Syria er det bekrefta 783 dødsfall.
Det første skjelvet med ein styrke på 7,8 er det sterkaste skjelvet i området på nesten 100 år. Skjelvet blei etterfølgt av fleire titals kraftige etterskjelv. Seinare på formiddagen blei eit nytt jordskjelv utløyst 100 kilometer nord for det første. Dette hadde ein styrke på 7,5.
