Svensk politi klarte tysdag kveld å ta den 16-år gamle guten som stakk av i ein stolen bil tidlegare på dagen. Store politistyrkar har jakta på guten, og politiet frykta han hadde med seg ei hagle. Han vert køyrt til arresten i Østersund.
Det er svensk politi som no leiar aksjonen for å finne den 16-år gamle guten politiet mistenker har våpen. Dei har funne bilen i Sverige, og grensa til Norge er stengd. Guten stal ein audi tysdag føremiddag, og har sidan vore jakta på av politiet.
Den stolne Audien som politiet i Trøndelag har jakta på, er observert i Sverige. Sjåføren, ein 16 år gammal gut, skal ha våpen. Store politistyrkar med pansra bilar, våpen og verneutstyr har heile tysdag arbeidd med å finne guten. No samarbeider dei med svensk politi i saka.
Politiet i tre fylke jaktar den truleg væpna 16-år gamle ungguten som stal ein bil i Meråker tysdag føremiddag. Bilen, ein blå Audi stasjonsvogn, har registreringsnummer BR83435, og politiet ber om tips i saka. Men oppmodar folk om å ikkje ta kontakt med 16-åringen.
