Færre enn før er medlem i eit trus- eller livssynssamfunn
Fleire nordmenn er med i trus- og livssynssamfunn utanfor Den norske kyrkja. Samtidig mista Kyrkja rekordmange medlemmer i fjor.
Den norske kyrkja hadde på slutten av fjoråret 3.526.000 medlemmer. Det svarer til 65 prosent av befolkninga. Det var 129.000 færre enn året før.
– Dette er den største nedgangen i medlemmer hos Den norske kyrkja gjennom eitt år vi har målt i denne statistikken som går tilbake til 2005, seier førstekonsulent Andreas Østhus i Statistisk sentralbyrå (SSB).
Bakgrunnen for fallet er at Den norske kirke fjernet barn som ikke er døpt fra medlemsregisteret fra nyttår. Barn som ikke var døpt, er blitt oppført som «tilhørige» i Den norske kirke hvis en av de foresatte var medlem. Dermed forsvant 117.000 tilhørige barn fra medlemsregisteret.
Rundt 13 prosent av befolkninga i Noreg er medlem i eit trus- eller livssynssamfunn utanfor Den norske kyrkja. Det er 20.000 fleire enn året før.
Flest er medlemmer i kristne samfunn, vel 374.000 personar. Deretter kjem muslimske samfunn med 176.000 medlemmer. Nesten 107.000 er medlem i eit livssynssamfunn, dette talet omfattar stort sett medlemmer i Human Etisk Forbund.
Totalt er ein stadig lågare del av befolkninga knytt til eit trus- eller livssynssamfunn.
(NTB)