Iran: Journalist som intervjua familiane til fleire dødsdømte skal vere arrestert

Mehdi Beikoghli, som leiar politikkavdelinga i Etemad, skal ifølge avisa vere arrestert av iranske styresmakter.

Beikoghli er kjend for å ha intervjua familiane til fleire av dei 14 iranarane som er dødsdømde for å ha delteke i demonstrasjonane mot regimet.

Ifølge journalisten si kone blei både telefon, datamaskin og andre personlege eigendelar konfiskert under pågripinga.

I løpet av desember blei to 23 år gamle menn avretta i Iran, og tolv andre dømde til døden ved henging, viser ei oppteljing som AFP har gjort.

Halvparten har anka og ventar på ny behandling av sakene sine. Fleire titals andre som er arresterte kan framleis bli dømde til døden, ifølge menneskerettsorganisasjonar.