SV kan kome til å gå fram med heile 6,0 prosentpoeng ved valet i år, samanlikna med kommunestyre- og fylkestingsvalet i 1999. Det viser valdagsmålinga som er gjort for NRK.
Av
Tor Helge Haugland
SV får i målinga ei oppslutning på 14,5 prosent. Også Framstegspartiet kan kome til å gjere eit godt val, viser målinga. Partiet går fram med 2,9 prosentpoeng, til ei oppslutning på 16,4 prosent.
 |
| (NRK Grafikk) |
Arbeidarpartiet blir det klart største partiet med ei oppslutning på 26,4. Det er 1,8 prosentpoeng tilbake frå 1999. Men samanliknar ein med Stortingsvalet for to år sidan, kan partiet få ein framgang på 2,1.
Høgre blir i målinga det nest største med partiet med ei oppslutning på 18,9 prosent. Det er tilbake 2,4. Men aller størst tilbakegang har Kristeleg Folkeparti. Partiet endar i målinga på berre 6,6 prosent, heile 3,5 prosentpoeng tilbake frå valet i 1999.
Senterpartiet får 7,6 prosent, tilbake 0,9. Partiet greier dermed å halde stillinga frå valet i 99, og kan vere nøgd med posisjonen som det største av mellompartia. Venstre får 3,9, tilbake 0,3, og Raud Valallianse 1,9, tilbake 0,2.
Alle desse tala gjeld oppslutninga ved fylkestingsvalet. Målinga er gjort for NRK av Research International.
For kommunevalet går resultatet fram av søylediagrammet nedanfor:
 |
| (NRK Grafikk) |
Tips andre om denne saken
Utskriftsvennlig versjon
