For første gong vil kontinuerleg oppdaterte resultat frå eit kommune- og fylkestingval vere tilgjengelege på mobiltelefon.
Publisert 21.07.2003 11:32.
Via wap kan du studere landsoversikten eller følgje oppteljinga for kvart fylke og kvar einaste kommune frå sekund til sekund.
Tenesta er spesielt nyttig for nordmenn på reisefot, men vil også vere til hjelp for utolmodige TV-sjåarar på valdagen om resultatet frå ein spesielt interessant kommune let vente på seg frå Geir Helljesen.
Brukarane vil til ei kvar tid få all informasjon om oppmøte, talte røyster og mandatfordeling. Opplysningane vert henta frå den same databasen som NRK nyttar i TV-sendingane sine, men tenesta er automatisert, og brukarane vil i mange tilfelle få opplysningane før dei vert vist i TV-ruta. NRK tilbyr all informasjonen gratis.
Valtenesta føyer seg for øvrig inn i rekkja av eit allereie rikhaldig tilbod på NRK sine wap-sider.
Tips andre om denne saken
Utskriftsvennlig versjon
