India vil auke oljeimporten frå Russland
India vil auke importen av russisk olje, som landet får kjøpe for 20 prosent under marknadspris, ifølgje indiske medium.
India avstod, saman med Kina og Dei sameinte arabiske emirata frå å stemme då FNs tryggingsråd førre månad stemde over ein resolusjon som fordømde Russlands invasjon av Ukraina. Russland nytta vetoretten og hindra at resolusjonen vart vedteken.
USA har innført oljeboikott av Russland som følgje av krigen og prøver å få andre land med på det same. Det er uaktuelt for India, som ifølgje ein tenestemann no vil auke importen av russisk olje.
(NTB)
