Huitfeldt trur på Scholz
Det er framleis svært jamt etter valet i Tyskland, men sosialdemokratane i SPD har ei knapp leiing på det konservative partiet CDU.
Men stortingsrepresentant for Ap, Anniken Huitfeldt, trur Olaf Scholz blir Tysklands neste kanslar.
– Slik det ser ut no ser det ut til at sosialdemokratane blir størst, og då ligg dei best an til å få kanslaren, seier ho til NRK på SPDs valvake.
Ho trur Scholz og Støre vil kunne samarbeide godt om dei begge blir regjeringssjefar.
– Vi har mange felles interesser med Tyskland, så med to sosialdemokratiske regjeringar vil vi ha enda meir til felles, seier ho.
