Høgaste renter på nye bustadlån sidan 2014

Renta på nye bustadlån med flytande rente auka frå september til oktober med 0,37 prosentpoeng til 3,65 prosent, viser tal frå Statistisk sentralbyrå.

Det er den høgaste renta på nye bustadlån sidan 2014.

For nye bustadlån med fast rente auka renta med 0,20 prosentpoeng til 4,75 prosent. Det er den høgaste fastrenta SSB har registrert sidan dei starta målingane i desember 2013.

Styringsrenta er no den høgaste sidan tredje kvartal 2008, etter at ho blei sett opp til 2,3 prosent i starten av november.

Det er også høgaste innskotsrente sidan 2015. Ho auka i alt med 0,19 prosentpoeng i oktober til 1,35 prosent.