Har hatt statusmøte om streiken
Roger Klokset, leiar i Norske SAS-flygernes forening, opplyser til Børsen at det har vore eit statusmøte med dei svenske meklarane i Stockholm i helga.
– Men ingen konkret forhandling.
Møtet var på initiativ av svenske meklarar, seier Klokset til VG. Den svenske pilotforeininga møtte på vegner av pilotane. Det er snakk om ei «klargjering av posisjonar», seier Klokset.
Pressesjef i SAS, Tonje Sund, seier til NRK at dei har kontakt med riksmeklar, men elles ingenting nytt.
Pilotane har framleis ikkje blitt kalla inn til eit møte med riksmeklaren. Før helga varsla riksmeklar Mats Ruland at dei snart ville kalle inn til ei ny meklingsrunde.