Håpar på framgang i regionalval
Marine Le Pen sitt høgrepopulistiske parti Nasjonal samling håpar på framgang i første runde av regionalvalet i Frankrike søndag, skriv NTB. 46 millionar menneske har stemmerett i valet. Meiningsmålingar tydar på at Nasjonal samling kan få rundt 25 prosent av stemmene.
I første valrunde kan partiet gå sigrande ut i seks regionar. Partiet får det vanskelegare i andre runde, men truleg vil partiet likevel, for første gong, sikra seg den politiske makta i ein eller fleire franske regionar.