Gratis barnehage for tredje barn

Regjeringa foreslår gratis barnehage for barn nummer tre, om ein har tre eller fleire barn i barnehage samtidig. Det sa finansminister Trygve Slagsvold Vedum til Politisk kvarter i NRK i dag.

– Dette gjer me rett og slett fordi det er så høg belastning for dei familiane som har tre barn i barnehage, seier Vedum.

Regjeringa sette ned barnehageprisane i fjor, og gjer det same i år. Makspris for barnehage er no på 3000 kroner.

Fram til no har ein fått redusert betalinga med 50 prosent for det tredje barnet.