FSB hevdar Ukraina stod bak drapet på Dugina
Den russiske etterretningstenesta FSB hevdar ukrainske spesialstyrkar stod bak drapet på redaktøren og analytikaren Darja Dugina utanfor Moskva laurdag kveld. Det melder Reuters.
Ho var dotter til ideologen Aleksandr Dugin, som mange har peikt på som ei viktig inspirasjonskjelde for president Vladimir Putin.
FSB hevdar gjerningsmennene reiste til Estland etter drapet. Opplysningane er ikkje stadfesta av uavhengige kjelder.