Franske kraftkontraktar når rekordhøgt nivå

Franske bedrifter og andre som ønsker å sikre seg langtidskontraktar for elektrisitet må belage seg på å betale 600 euro per MWh til neste år. Det svarar til om lag 5,9 kroner per kWh.

Prisen har stige med 4,4 prosent og aldri vore så høg før, melder finansavisa Bloomberg. I Tyskland er tilsvarande pris på 446 euro.

For lik mengde energi i olje, vil det svare til i underkant av 10.000 kroner per fat. I dag ligg prisen på eit fat olje på i underkant av 950 kroner.

Bakgrunnen for energimangelen i Frankrike er at franske atomkraftverk har måtte redusere drifta på grunn av at vatnet i elvene, som vanlegvis skal kjøle ned atomreaktorane, er for varmt.

Det har bidratt til at Frankrike, som vanlegvis produserer meir straum enn dei forbrukar, er blitt nettoimportør av elektrisitet.