Framleis norsk nei til EU

Motstanden mot norsk medlemskap i EU er framleis stor, ifølge ei ny undersøking som er gjort for NRK. 52 prosent av dei spurde ville stemt nei dersom det hadde vore EU-avstemming i morgon.

Høgre-leiar Erna Solberg brukte delar av talen sin på landsmøtet førre helg til å prøve å vekke nytt liv i den norske EU-debatten. Ho sa at forholdet mellom Noreg og EU blir stadig viktigare, og at Noreg burde bli medlem.