Fleire døde etter gasseksplosjon i Sibir

Minst seks menneske mista livet i ein gasseksplosjon i eit bustadbygg i Sibir i Russland, ifølge styresmaktene i landet.

Ni andre bebuarar er skadde, fem av dei alvorleg, melder nyheitsbyrået Tass, som siterer russisk sivilforsvar.

Eksplosjonen skjedde søndag kveld i byen Nizjnevartovsk.

Den førebelse forklaringa er at eksplosjonen blei utløyst av ein lekkasje frå ei gassflaske som eksploderte i den andre etasjen i bygninga.