Minst tre omkomne etter storm på Korsika

Minst tre personar har omkome etter ein brutal storm traff den franske øya Korsika torsdag morgon, skriv Euronews.

Tolv fleire er skadde, ein av dei kritisk, medan kraftig regn og ein vind på opp til 222 kilometer i timen blei registrert nokre stader på øya.

Ifølge lokale myndigheiter er ei 13 år gamal jente og ein 46 år gamal mann blant dei omkomne.

Rundt 45.000 husstander blei ståande utan straum på øya på grunn av stormen, ifølge det franske straumselskapet EDF.

Franske myndigheiter har gjennomført rundt 60 redningsaksjonar langs vestkysten av middelhavsøya.