EU tilbyr å lempe på grensekontroll

EU-kommisjonen tilbyr seg å redusere tollkontrollen og papirarbeidet for britiske produkt til Nord-Irland i håp om å dempe brexitstriden med Storbritannia.

– Eg har lytta til og diskutert med dei nord-irske interessentane. Dagens forslag er det genuine svaret vårt på deira bekymringar, sa EU-kommisjonens visepresident og brexit-utsending Maros Sefcovic onsdag kveld.

Han har lagt fram fleire forslag som skal redusere vanskane den såkalla Nord-Irland-protokollen har skapt for handel mellom Nord-Irland og resten av Storbritannia.

Storbritannia har trua med å slå ein strek over avtalen som vart inngått med EU, som sikra at Nord-Irland heldt fram med å vere ein del av EUs indre marknad då britane forlét unionen.