Etterlyser vitne i Skøyenåsen-saka

Politiet ønsker å kome i kontakt med eit mogleg vitne i samband med at to personar blei skotne på T-bana mellom Godlia og Skøyenåsen i Oslo 15. august ca. klokka 20.15.

Det aktuelle vitnet skal ha oppheldt seg på Godlia T-banestasjon på motsett side i vestgåande retning. Vedkommande kan ha filma delar av hendinga med mobiltelefonen, skriv politiet i ei pressemelding.

Politiet presiserer at vedkommande ikkje er tilknytt saka, men at dei kan ha opptak som er av interesse for etterforskinga.