Endrar stadnamn på Svalbard
Polarinstituttet endrar tre stadnamn på Svalbard etter påstandar om rasisme, melder Utrop.
Tidlegare denne veka gjekk Antirasistisk Front ut med kritikk av stadnamna Negerpynten, Negerfjellet og Negerdalen. Namna kjem frå den svarte fargen på fjella og er mellom anna omsett frå engelske Negro Point.
– Vår namnekomite har jobba godt. Eit notat frå dei blei handsama i går, og komiteen har fått i oppdrag å lage framlegg til nye namn i løpet av mai, seier kommunikasjonsdirektør Pål Jakobsen i Norsk Polarinstitutt i ein e-post til Utrop.