Av
Halvard Mikal Sæbø
– Den tidlegare sovjetiske forsvarsministeren kom med direkte trusler mot Norge i 1967, under eit møte med den norske forsvarsministeren, seier pensjonert offiser Arild Hjerde, som har vore med å skriva ein rapport om ein sovjetisk styrkedemonstrasjon mot Noreg på slutten av seksti-talet.
Kom med trussel
Den tidlegare, norske forsvarsministeren Otto Grieg Tiedemand blei invitert til Moskva i august 1967, og blei møtt av ein stor, sovjetisk delegasjon.
I følgje den nye rapporten frå Institutt for Forsvarsstudier uttrykte den sovjetiske forsvarsministeren Andrej Gretsjko noko som likna ein trussel.
Med henvisning til NATO sine militærøvingar i Nord-Noreg, skal han ha sagt:
"De tar ein stor risiko der. Dersom det skulle koma til ein framprovosert situasjon, veit ein ikkje kva konsekvensar det vil få."
Den norske forsvarsministeren blei etterpå transportert til eit område der det blei demonstrert bruk av taktiske atomvåpen. Her skal det ha blitt sagt at slike våpen ville bli brukt mot alle land om nødvendig.
– I juni 1968 stod eit stort antal sovjetiske soldatar og militære kjøretøy langs den norske grensa. Med den styrkedemonstrasjonen var forholdet mellom Sovjetunionen og Noreg på det mest anspente, seier Arild Hjerde i Institutt for Forsvarsstudier.