|
Tor Bremer ønskjer jobb som fylkesordførar. |
Tor Bremer skal prøve å vinne tilbake jobben som fylkesordførar i Sogn og Fjordane. For fire år sidan tapte Knut O Årethun klubba, og i ein opprivande nominasjonsstrid vart han i vinter vraka til fordel for lustringen Bremer. Bremer er den største utfordraren til Nils R. Sandal.
Arbeidarpartiet er det største partiet i Sogn og Fjordane, og har sitt store tyngdepunkt i indre Sogn. Men dei har ordførarar i ei rekkje store kommunar rundt om i fylket.
(Sjå
Fylkesvalslista for Arbeidarpartiet.)
Mindre tilbakegang
Den voldsomme nedgangen som partiet har opplevd på landsplan, har ikkje i same grad slege inn over Sogn og Fjordane,
sjølv om dei tapte ein av dei to stortingsplassane for snart to år sidan og måtte sende Reidar Sandal åleine til Oslo.
Partiet har ordførar i mange kommunar: Årdal, Luster, Vik, Høyanger, Hyllestad, Førde, Flora, Stryn og Vågsøy.