|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Industri og næring i Bremanger: Gulebuda på BakkeValdemar Gjertson Bakke (1849–1934) og sonen Albert V. Bakke (1880–1939) bygde ca. 1900 ei stor saltebu på Bakke i Rugsund. Publisert 21.12.2006 08:13. Oppdatert 10.04.2007 12:09.
Ho vart gulmåla, og på folkemunne vart ho difor kalla Gulebuda. Bakke-karane hadde eige notbruk, og i sildesesongen salta dei ned sild som dei selde til eit par firma i Haugesund. I dei store sildeåra kring 1950 vart det årleg salta ned 10-12.000 tønner sild på Gulebuda, og i den mest hektiske sesongen kunne arbeidet på buda sysselsetje kring 30 personar frå bygda.
Gulebuda vart på denne tida mykje utvida, og fekk betre kaier slik at det var plass til sildedrivarane når dei skulle levere.
Svigersonen til Albert Bakke, Alf (Fløtre) Bakke (1913–1981), vart medeigar i Gulebuda. Buda var i drift til ut på 1960-talet. Både Valdemar Gjertson Bakke og Alf Bakke var aktive i lokalpolitikken; Valdemar m.a. som ordførar i Davik og Alf Bakke som ordførar både i Davik og i storkommunen Bremanger på 1960-talet. Albert Bakke var m.a. styreformann i Sogn og Fjordane Fiskarlag og i Stor- og Vårsildlaget.
SE OGSÅ
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|