Hans A. Hansen arbeidde som ung mann i Amerika, og då han kom heim i 1906, gjekk han inn i fabrikkverksemda med shoddyfabrikk og mølle som faren dreiv ved Evebøfossen.
Her bygde dei elektrisitetsverk i 1909. Verket leverte straum til folk på Sandane, som dermed vart mellom dei første som fekk innlagt elektrisk straum i Sogn og Fjordane.
Grunnla Evebøfoss Ullvarefabrikk
Saman grunnla far og son Evebøfoss Ullvarefabrikk i 1910. I 1910 starta Hansen spinneri, og i 1912 også fargeri og veveri. Då faren døydde i 1915, overtok Hans A. Hansen som dagleg leiar. I 1924 bygde Hans A. Hansen nytt, stort fabrikkanlegg på Elvaneset under namnet ”
Evebøfoss Fabrikker”. I 1946 vart det også bygt trikotasjefabrikk. Evebøfoss hadde på det meste vel 100 tilsette.
Hans A. Hansen var i mange år medlem av kommunestyre og formannskap, og sat 17 år i skulestyret. Tildelt Kongens fortenestemedalje i gull i 1960