Dåverande ordførar i Sogndal og eigar av Kaupanger Hovedgård,
Nils J. Knagenhjelm, gav gratis grunn til flyplassen på Haukåsen.
Vegane opp til Haukåsen var bygde på 1960-talet av Knagenhjelm, og i samband med flyplassopninga overtekne av Sogndal kommune.
I samband med lokalisering av småflyplassen i Sogn vart det m.a. gjort prøveflygingar i Høyanger kommune, men valet fall på Haukåsen.
Tidleg på 1970-talet gjekk Akergruppen med planar om å byggje oljeplattformer i Gaupne i Luster kommune (sjå
Store industriplanar i Gaupne. I samband med ei planlagd industriutbygging vart det stukke ut ei flystripe langs elva på Grandane i Gaupne, men flyplassen kom berre til teiknebrettet fordi Akergruppen la bort industriplanen.
Sandane Lufthamn på Anda vart opna i 1975. Flyplassane på Haukåsen, Anda og i Florø vart bygde med statsløyvingar, medan småflyplassen på Øyrane i Førde var bygd med kommunale midlar.