Kjende personar i Vik fødde år 1800-1850

Førre side: Kjende personar i Vik fødde før år 1800

Ditlev Fredrik Tillisch

(1811-1906) frå Kongsberg, busett i Vik. Offiser og føregangsmann i saueavlen.

Christian Severin Flinthoug Houge

(1812-1874) frå Risør, busett i Vik. Prest og politikar. Cand. theol. 1835. Gjorde m.a. teneste som prest i Vik frå 1845 til 1856, seinare i Korskyrkja i Bergen til han døydde. Ordførar i Vik 1848-1849 og 1855. Vararepresentant til Stortinget i 1845 frå Nord-Trøndelag, frå Sogn og Fjordane 1848, 1851 og 1857.

Ole Hopstock

(1815-1870) frå Risør, busett i Vik. Starta Hopstock Hotell.

Ingebrigt Monsson Berdal

(1816-1902) frå Feios. Bonde og spelemann som spela i 82 bryllup. Ingebrigt spela til vanleg saman med ein tambur (trommeslagar) til dans. Han skal ha blitt oppmoda av Ole Bull til å bli med han på konsertturne, men takka nei.

Tycho Jæger

(1819-1889) frå Bergen, busett ei tid i Feios. Kunstmålar.

Christen Christensen

(1826–1900) Offiser, føregangsmann innan husdyravl, og politikar i Vik - sjå Christen Christensen, Førde kommune.

Lars Mathias Hille

(1828–1898) frå Fresvik, busett i Bergen. Offiser og jernbaneingeniør.

Helge Jonson Aase

(Oppheim) (f. 1829) frå Vik, busett på Voss. Bonde og våpensmed. Var kjend som ein særs dyktig våpensmed og konstruktør ved Kongsberg Våpenfabrikk. Sveinestykket hans vart gjeve til kong Oscar I. Han skaut også ein bjørn i Stalheimsfjella.

Christen Torleivsson Nissestad

(1829-1915) frå Vik, busett i Arnafjord. Lærar og kyrkjesongar.

Arnoldus M. Hille

(1829–1919) frå Fresvik, busett i Hamar. Biskop.

Hans Bottolvsen Vikøren

(1830-1906) frå Vik, busett i Oslo. Bakar, lekpredikant og forfattar.

Peter Andreas Blix

(1831-1901) frå Stavern, busett i Vik. Ingeniør, arkitekt og kyrkjebergar.

Carl Gustav Winsnes

(1834-1910) frå Vik, busett i Bergen. Prest og politikar.

Wollert Ludvig Hille

(1834-1883) frå Fresvik, busett i Bergen. Utdanna offiser, premierløytnant 1856, kaptein i Bergenske brigade 1868-1871. Vart seinare styrar av Bergens brennevinssamlag og starta Tøsse Mølle. Stortingsrepresentant for Bergen 1877-1879 og varapresentant 1871-1876. Son til Wollert Krohn Hille (sjå: Fresvik-godset) og bror til Søren Hess Lem Hille (sjå nedanfor).

Søren Hess Lem Hille

(1836-1884) frå Fresvik, busett i Risør. Apotekar og Høgre-politikar. Arbeidde på apotek i Bergen og Namsos før han fekk sitt eige i Risør i 1865. Medlem av bystyret og ordførar i Risør. Stortingsrepresentant for Risør 1880-1885. Son til Wollert Krohn Hille (sjå: Fresvik-godset) og bror til Wollert Ludvig Hille (sjå ovanfor).

Anfinn Refsdal

(1839-1920) frå Vik. Lærar og politikar for Moderate Venstre, seinare Høgre.

Nils Jørgen Gregersen

(1840-1924) frå Oslo, busett i Vik på 1890-talet. Offiser, forfattar og Venstre-politikar.

Johan Leuthäuser Hirsch

(1843-1923) oppvaksen i Vik som son av den andre distriktslegen der, busett seinare på Ås. Landbruksskulelærar og direktør ved Norges Landbrukshøyskole.

Edvard Liljedahl

(1845-1924) frå Vik. Lærar, nynorskmann og Venstre-politikar.

Cathinka Lind

f. Aall (1845-1943) frå Vik, busett i Jølster. Føregangskvinne i husflid.

Jens Krogh Hopstock

(1846-1919) fødd i Bergen, busett i Vik. Hotelleigar og kjøpmann.

Olav Tjønn

(1847-1917) frå Fresvik. Husmann og bygdedokter.

Neste side:
· Kjende personar i Vik fødde år 1850-1875
Førre side:
· Kjende personar i Vik fødde før år 1800
Hovudside:
· Kjende personar i Vik