Skredet i 1811 tok 45 menneskeliv

Etter dagevis med striregn, tok det ved totida om natta til å rase i fjellet ovanfor tunet der det budde kring 60 menneske. Lengst oppe var det små mengder som losna, men det drog med seg stein, jord og snøsørpe nedover som med ofseleg kraft råka husa og førde alt 600-700 meter ned til sjøen. Berre eit par hus i det gamle klyngetunet stod att.

Borna flaut oppå skredet

Berre 11 av dei 45 som omkom vart attfunne og gravlagde. Mellom dei som vart berga var det mange barn. Dette kom truleg av at dei sov på kovelemmen høgt oppe i huset, og såleis flaut meir oppå når husa vart førde bort med skredet.

Fjøsvegg med ku over fjorden

Vrakdelar og innbu flaut over store delar av Sognefjorden. Ein fjøsvegg vart funnen att på andre sida av fjorden, med kua framleis hengande fast i spilltauet.

Mange flytta

På Nese vart husa flytta til tryggare stad etter ulukka. Mange av dei overlevande bygde ikkje nytt, men flytta bort frå bygda.

Same natta som storskreda øydela på Nese, gjekk det eit 400 meter breiyt skred ved garden Refsdal i Vik.