ENKELTOMTALER:
Gaula vart i gamle dagar sigla av jekter og andre større båtar heilt opp under Osfossen. Her bygde folk lenger oppe i dalen bryggjer og sjøbuer, m.a. ei kommunal kai.
Då det enorme Svanøy-godset vart lagt ut for auksjon i 1727, vart mange gardar i Gaular kjøpte opp av reine jordspekulantar. Slik sikra eigaren i Osen, Rasmus Boe seg Sveen, der det frå gamalt av hadde vore gjestgiveri.
På 1800-talet vart dette ei av dei viktigaste inntektskjeldene for folk i Viksdalen.
Sivertsens Hotell på Sande vart bygd i 1838 av Berent Sivertsen, som også dreiv landhandel og skysstasjon.
|
Lundes hotell. (©Fylkesarkivet) |
Ole A. Lunde er ein av dei fremste forretningsgründerane i Gaular. Han starta i 1872 landhandel heime på Lunde.
Lundes Hotell
i Bygstad 1885 - sjå "
Gründeren O. A. Lunde".
Gaular Sparebank
|
Bankbygget på Sande vart bygt i 1969. |
vart skipa 1895 med namnet Indre Holmedal Sparebank. Frå 1909 heldt sparebanken til i kommunehuset på Sande, fram til banken bygde eige bygg i 1969. Banken vart slegen saman med Sunnfjord Sparebank i 1980, og gjekk inn i
Sparebanken Sogn og Fjordane i 1988.
Nitter Leirvik og Jens Søgnen
pakta på 1890-talet Leirvik-garden i Osen og dreiv handel, sagbruk og mølle. Ludvig Nistad tok over butikken i 1916, og dreiv til 1930-talet.
I 1897 kjøpte brørne Ivar og Knut Berge eigedomen Kviteneset frå garden Leirvik i Osen, og starta tønnefabrikasjon. Like etter 1900 starta sonen til Ivar Berge, Johannes Berge, Bygstad Hotell på Kviteneset. Familien dreiv også landhandel på Kviteneset. Sønene til
|
Huset som seinare vart Bygstad hotell. (©Fylkesarkivet) |
Johannes Berge slo seg opp som forretningsfolk i Førde.
- entreprenørbrørne som bygde "halve" Førde.
Bygstad Hotell
- sjå "
Forretningsfamilien Berge".
Skjelsanking
Kring 1900 vart skjelsanking ei viktig inntektskjelde, særleg for folk på Bjørvikstranda. Strendene langs Dalsfjorden vart renska for skjel som vart fylt i småtønner og seld til Nord-Noreg som agn. På Sande var det ein mann som dreiv dette så stort at han fekk tilnamnet "Skjelkongen". (Sjå elles om tilsvarande verksemd i Solund - "
Skjelsanking i Solund".)
Gaular branntrygdelag
vart skipa i 1903.
Bygstad landboforening
vart skipa i 1904 og fekk 100 medlemer. Gjennom slike foreiningar kunne bøndene oppnå betre rabattar på innkjøp av m.a. maskiner, gjødsel og såfrø. I 1910 vart det skipa ei liknande foreining på Lunde. Dei fleste lokale innkjøpsforeiningar gjekk inn i Vestlandske Kjøpelag då dette vart skipa i 1910.
Lyder N. Bell
bygde bygdemølle i Bellfossen i Eldalen i 1925. Han organiserte også bygging av eit kraftverk i fossen i 1938. Dette leverte kraft til store deler av dalføret i Eldalen. Mølla brann ned i 1942.
Pensjonat på Sande
Søstrene Torborg, Hjørdis og Astrid Sande dreiv i 1928-1930 pensjonat i den gamle lensmanngarden på Sande. Pensjonatet hadde plass til 16 gjestar, og tok for det meste imot såkalla "kondisjonerte" frå Bergen i sommarstida. I det staselege huset hadde lensmanndottera Thea drive jenteskule på 1890-talet (sjå "
Skular i Gaular"). Huset vart i 1937 gamleheim.
Elvarheim kafe
- sjå
Skagens Safteri.
Murmeister Olav Lien
Olav Lien starta i mellomkrigsåra som murmeister, og førde opp mange store bygg i både Sogn og Fjordane og på Sunnmøre. Han hadde 6-7 mann i arbeid. Firmaet vart seinare heitande Brørne Lien, og vart avvikla nokre år etter 2. verdskrig.
Viken Pensjonat
|
Viken pensjonat. (Foto: Arild Nybø, NRK) |
i Viksdalen vart bygd i 1932 av Edvard Viken. Han bygde pensjonat som kunne ta imot 15 overnattingsgjestar. Det var kona Martina som dreiv pensjonatet medan Edvard var sjåfør i Firda Billag. Pensjonatet var i drift til slutten av 1990-talet.
Bruse M. Øvrebø
dreiv frå 1936 til tidleg på 1950-talet kafe og pensjonat i Bygstad.
Gaular Kraftlag
vart skipa i 1939 - sjå "
Gaulasamskipnaden".
Hoff pensjonat
i Eldalsdalen vart starta i 1949 av Selma og Jens Vallestad. Dei dreiv også kafé og bensinstasjon. Interiøret i i det gamle pensjonatet er restaurert og teke vare på av barnebarnet Heidi Vallestad og ektemaken Sigurd Årskaug.
Harald Kapstad
i Bygstad starta entreprenørforretning i 1969 - frå 1978 som aksjeselskap. Verksemda sysselset i snitt kring kring 10 personar.
Hov Hyttegrend
i Viksdalen vart starta i 1971 av
Ottar Hov, og har i 2002 23 campinghytter og eit servicebygg.
|
Sande Kro og Hotell. |
Sande Kro og Hotell
på Sande vart bygd i 1977 av Sølvi og Per Kapstad. Hotellet har 30 senger og konferanseplass til 150 personar.
Verksemda har sal og driv service på traktorar og landbruksmaskiner, og importerer frontlastarar og beitepussemaskiner.
|
Sparebanken Sogn og Fjordane sin filial i Bygstad. (Foto: A. Nybø, NRK) |
frå 1988.
Steinar Sørli overtok Åmot gard ved Bygstad i 1997, og har restaurert og gjort garden om til eit kombinert gjestehus og kultursenter der det m.a. har vorte spela opera og stelt i stand gourmetmåltid av meisterkokkar.
Eikeland Bygg AS
på Sande vart starta i 1998 av Egil Eikeland og Frode Loftheim. Verksemda har bygd fleire kommunale bygg i Gaular, har 8 tilsette og i 2001 ei omsetning på 10 millionar kroner.
Desiree Øvretveit
starta i 2000 Desirees Lappeteknikk på Sande. Ho har spesialisert seg på import og internettsal av stoff til lappeteknikk. Broren Per Anders Øvretveit er partnar i verksemda som omset varer for fleire millionar kroner årleg.