|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Kjende personar i Stryn: Jakob ÅlandJakob Åland (1865-1950) frå Randabygda. Lærar, historikar og bygdebokforfattar. Publisert 10.04.2002 15:08. Oppdatert 11.01.2006 20:19.
Amtsskule på Vereide 1881-1882. Lærarskuleeksamen frå Stord 1884. Lærar i Sigdal, Brevik og Kragerø, og frå 1891 i Bergen. Statsstipendiat 1914–1919. Redaktør for Redaktørar i Fjordabladet, Nordfjordeid, 1917–1920.
BygdebokpionérÅland vert ved sida av Lorens Berg i Vestfold rekna som pioneren i norsk bygdebokskriving. Han tok tidleg mål av seg til å skrive ei samla bygdesoge for heile Nordfjord. Alt i 1898 gav han ut ei avhandling om lensherrar og futar som hadde rådd i fjorden. Han gav ut bygdeboka for Eid og Hornindal 1909, Gloppen og Breim 1915, og sidan fylgde bygdebøkene for Stryn og Innvik og Selje og Vågsøy. Bind II av den siste vart fullført av Edvard Os og kom ut i 1957.
Skipa NordfjordlagÅland skipa Nordfjordlaget i Bergen i 1904. I 1924 reiste han på foredragsturne i USA saman med meisterspelemannen Jon Rosenlid.
Tildelt Kongens fortenestemedalje i gull 1945. Minnestein med relieff av Åland vart avduka i 1965 på Nordfjord Folkemuseum på Sandane.
SE OGSÅ
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|