Ragnar Ulstein f. 1920 i Ulstein, busett i Ålesund. Motstandsmann, journalist, forfattar og historikar.
Som medlem av Kompani Linge under 2. verdskrig utførte Ulstein m.a. risikable sabotasjeaksjonar mot fiendeskip ved Svelgen - sjå:
Krigshistoria i Bremanger.
Hausten 1944 vart han som offiser i Kompani Linge peika ut til å leie oppbygginga av Milorg i Sogn og Fjordane. Han var saman med eit par andre soldatar landsett hjå
Martin Domben på ei øy nord for Florø. Sjølv tok Ulstein seg av oppbygging av gruppa "Siskin" i Sogn, medan Harald Svindseth vart sett til å byggje opp:
Milorggruppa "Snowflake" i Ålfot-fjella ved Svelgen.
"Siskin" bygde hovudbase i Sogndalsdalen. Ei opprulling av Milorg gjorde at basen måtte rømast, og dei siste vekene av krigen leia Ulstein troppene sine frå ein base i Frønningen.
Forfattar og journalist
Etter krigen var Ragnar Ulstein ein av hovudforfattarane av to store bind om "Kompani Linge", gav i 1965-1967 ut to bind om "Englandsfarten" og tre bind om "Svensketrafikken" 1974, 1975 og 1979.
Han har også skrive romanen "Harpegjengen" (1961).
Ragnar Ulstein var redaktør i Fjordabladet på Nordfjordeid 1948-1949 og har arbeidd som journalist i Sunnmørsposten og Bergens Tidende.