Idrettslaget Svint i Åfjorddalen hadde sin mest framståande utøver i Olav Sande, som vann NM-bronse i maraton og 10.000 meter på 1950-talet.
Idrettslaget Sentrum vart skipa i 1950. Seinare skifta laget namn til Hyllestad Idrettslag. I dag har laget aktive grupper innan fjelltrim, fotball og biljard (sjå nedanfor). Laget fekk kunstgrasbane i 2000.
Hyllestad på biljard-toppen
|
(Foto: Asle Veien, NRK) |
I Hyllestad finn vi eitt av dei sterkaste biljardmiljøa i landet, og spelarar frå klubben har hausta edelt metall både i nasjonale og internasjonale tevlingar.
Biljardinteressa vakna tidleg på 1990-talet, og frå 1992 vart biljardgruppa ei undergruppe av Sørbøvåg Ungdomslag. I 1995 melde gruppa seg inn i Hyllestad Idrettslag, vart medlem i Norges Biljardforbund og har sidan m.a. delteke i Norges-cupen.
Fleire spelarar har oppnådd individuelle topplasseringar: Rudi Wolff fekk sølv i junior-NM 1998, og han og Rune Giil var på juniorlandslaget 1998-1999.
I 2001 kom Iselin Herland, Asgeir Skivenes og Tommy Wolff med på landslaget, slik at halve landslaget i aldersbestemte klassar kom frå Hyllestad!
Under EM i Slovakia i 2001 tok Iselin Herland to bronsemedaljar. Asgeir Skivenes og Tommy Wolff var med på bronselaget i lagtevlinga i same meisterskapen, og i NM 2006 tok Tommy Wolff bronse. Junior-NM i biljard vart arrangert i Hyllestad våren 2002.
|
(Foto: Asle Veien, NRK) |