Florø by, sildetelegraf og fiskerifyr

Handelsprivilegia vart avvikla i 1840-åra, og kjøpmenn kunne etablere seg fritt. Fylkesbaatane i Sogn og Fjordane vart skipa i 1858, og gjorde at varehandelen mellom by og land gjekk friare. Og ikkje minst: Fylket fekk i 1860 sin første by, plassert ved den gode hamna på Floralandet, og tett ved dei rike fiskefelta kring Kinn. Sildefiskeria var avgjerande for at Florelandet vart valt og Florø vart ladested eller by (sjå elles "Kommunehistoria i Flora").

Edvard Skari: Frisk seilas ved fyret - motiv med Stabben fyr.

· Fiskeritelegrafen varsla sild
· Fiskerifyra kring Flora

Som sild i tønne

Når tusenvis av fiskarar stua seg saman i trange og trekkfulle sjøbuer, førde det med seg mykje smitte og sjukdom. I eit hus i Kalvåg budde det 150 mann i eit hus som berre målte 12,5 x 7 meter! Lus og skabb hadde gode levekår. Sjødrev, vinterfrost og hardt arbeid m.a. med sildekverking og salting for kystkvinnene gjorde ikkje helsetilhøva betre. Spedalsksjuka - lepra herja nådelaust i kystbygdene og var den store farsotten på 1800-talet.
Fiskevera vart også heimsøkte av kolera, difteri, tyfus, tuberkulose og influensa-epidemiar som enda i lungebetennelse og død.

Neste side:
· Kjippen
Førre side:
· Vårsild-eventyret
Hovudside:
· Fiskerihistoria i Flora