NRK.no - Fylkesleksikon

Ferdsla på sjøen i Hyllestad

Kaien på Salbu tidleg på 1900-talet. Salbu fekk såkalla stjernestogg frå Fylkesbaatane i 1905. (Foto © Fylkesarkivet)

Publisert 06.02.2002 10:14. Oppdatert 09.01.2004 15:27.

15 stoggestader

I Hyllestad kommune har Fylkesbaatane hatt 15 stoggestader fram gjennom tida. Både Bøfjorden med Leirvik (bilete nedst på sida) og Skivenes ute ved kystleia var stoggestader på dei første rutene til Fylkesbaatane i Sogn og Fjordane i 1858.

Bråstad

på austsida av Bøfjorden vart stoggestad alt på den første Sogneruta til Fylkesbaatane i 1858. Herfrå kunne folk fraktast inn til Leirvik. Dette var tungvindt, og i 1868 kravde kommunestyret at dampskipa skulle gå inn til Leirvik (sjå Johan Henrik Frantzen Wolff).

Skivenes

ute ved kystleia kom med som stogg på dampskipsruta til Fjordane i 1859. I 1913 vart ekspedisjonen på Skivenes flytta til Bånes, som hadde rutestogg til 1920-talet.

Kaien i Sørbøvåg i 1932. (©Fylkesarkivet)

Sørbøvåg

fekk rutestogg av Fylkesbaatane nokre år før 1871, då bygda fekk eige postopneri.

Storakersundet

fekk stjernestogg i 1877.

Lifjorden

fekk rutestogg i 1882 – først i Risnesstraumen, seinare i Listraumen.

Kaien på Hyllestad før 1930. (©Fylkesarkivet)

Kommunesenteret Hyllestad

fekk Fylkesbaat-ruter i 1871. Bygda hadde anløp heilt til 1964.

Salbu

fekk stjernestogg i 1905 og fast stogg frå 1912 (sjå bilete øvst på sida - og Andreas Gjertsen).

Brensdal

fekk stjernestogg i 1906.

Motorbåtrute

vart starta mellom Eivindvik i Gulen og Askvoll i 1930. På denne ruta vart Eide stoggestad.

Lokalt reiarlag dreiv rutetrafikk

Aksel Mathias Hatlem og Kristoffer Salbu starta i 1934 eit lite reiarlag som dreiv fraktebåtar og rutetrafikk m.a. til Bergen.

Bitter strid om Rysjedalsvika.

Kaia og ferjeleiet i Rysjedalsvika vart opna i 1966 etter langvarig og bitter strid.

SE OGSÅ

Slaget i Sildagapet i 1810

Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?

Då fiskedampskipa stakk til havs

Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.

Få nazistar i Sogn og Fjordane

Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.