Sande vart ein av dei store og mest allsidige forretningsmenn i Florø frå 2. verdskrig og mannsalderen etter.
Starta på Sandane
Som ung mann hadde Sande i 1931 starta fotoforretning, seinare også radioforretning i heimbygda Sandane. Her bygde han også radioapparat. Han la ned verksemda på Sandane då krigen braut ut fordi han ikkje ville hjelpe tyskarane med teknisk utstyr og reparasjonar.
Radioprodusent og bilforhandlar
I 1946 flytta Olav Sande til Florø, der han bygde stort forretningsbygg og starta radiofabrikken Vest Radio, Vest Foto, bensinstasjon, og vart bilforhandlar med Ford-agenturet for Sogn og Fjordane. Radiofabrikken laga fleire hundre radioapparat under varemerket "Stad", men vart nedlagt etter ein brann i 1952.
Allsidig gründer
Eit anna Sande-selskap - A/S Momentan - vart skipa for å produsere eit sjølvkonstruert kombi-apparat med høgttalande telefon og radio i eitt. Den allsidige Sande hadde også planar om koffertfabrikk, starta urmakarforretning, og Sande Reisebyrå med kontor i Florø og Alta. Reisebyrået var i drift til slutten av 1980-talet. Olav Sande hadde også ekspedisjonen av sjøflyrutene som trafikkerte Florø før småflyplassen vart opna i 1971 -
Flysamband og lufthamna i Florø.
Ford-forhandlar
Som Ford-forhandlar var Olav Sande i mange år den nest største bilforretninga i fylket etter Volkswagen-forhandlar Erling Berge i Førde (sjå
Forretningsfamilien Berge). I 1971 flytta bilforretninga inn i stort nybygg - Sande Bilsenter - på Evja.
Son til
Ola Sande.