Kjende personar i Årdal fødde år 1600-1850

Dominikus Berntsen Nagel

(1645-1704) i Ytre Kroken, Luster, busett på Årdalstangen.

Johan Hansson Rue

(1660-1696) frå København. Fut og jordeigar.

Johannes Heinrich von Schört

d. 1720. Oberstløytnant frå Danmark. Direktør for Årdal Koparverk 1711-1720. Koparverket starta i 1702, og vart kjøpt av den dansk-norske kongen 1708. Von Schört overtok som direktør etter Fredrik Rudolf Danzig, og overtala kongen om å satse stort på Årdals-verket - sjå: Verksdirektør, fantast og alkymist.

Jens Worm

d. 1743. Styrar og inspektør for Årdal Koparverk 1720-1731.

Hans Lem

(1781-1845) frå Årdalstangen. Offiser som deltok i det kjende Leirdalske lette Infanteri Compagni i krigen mot svenskane i 1808. Lem vart utnemnt til løytnant og fekk tildelt Dannebrogsordenen for innsatsen. På Lærdalsøyri er "Løytnantsbryggja" kalla opp etter Lem fordi han budde i eitt av dei verna husa like ved.

Nils Torstenson Seim

(1812-1878) med familie var første utvandrarar frå Årdal til Amerika i 1844.

Tomas Andreassen Tangen

(1825-1909) frå Tangen. Husmann, og ein av dei mest kjende spelemenn i Årdal på 1800-talet. Han vart kalla "Storren" på folkemunne. Etter han lever springaren "Storreguten". Tangen bygde hardingfelene sine sjølv.

Jens Klingenberg - også kalla Store-Jens. (©Fylkesarkivet)

Jens Klingenberg

(1825-1895) frå Årdalstangen. Starta i 1860 gjestgiveri og skysstasjon på Tangen.

Endre Offerdal

(1832-1919) frå Offerdal. Skogbrukar, sagbrukseigar og politikar.

Sjur Ingebrigtson Eldegard

(1834-1920) frå Eldegard. Bonde, jeger og kjend meisterspelemann og slåttekomponist.

William Cecil Slingsby

(1849–1929). Britisk fjellklatrar og skribent.

Jens Klingenberg d.y.

(1849-1922) frå Årdalstangen. Hotelleigar, som i 1900 bygde Klingenberg Hotell ved sida av det gamle gjestgiveriet som faren Jens (sjå denne lenger oppe) hadde drive frå 1860. Klingenberg var i Amerika 1881-1897.

---

Neste side:
· Kjende personar i Årdal fødde år 1850-1900
Hovedmeny:
· Kjende personar i Årdal