Peder Anderson Rønnei
(1674-1739) var den første som etablerte seg som kremmar og gjestgjevar i det nye gruvesamfunnet kring Årdal koparverk tidleg på 1700-talet. Sonen Vilken Pederson tok over drifta då faren døydde, men måtte gje seg etter kort tid fordi gruvedrifta vart lagt ned.
Det var folk frå dei store og rike slektene i indre Sogn som dreiv handel på Årdalstangen på 1600- og 1700-talet. Slektsnamn som Nagel, Døsen, Ørbech, Teiste, Svabo og Lem går att.
Dahls Hotell på Årdalstangen vart starta i 1909 av Jakob Dahl i det såkalla "Tangenhuset".
Jens Klingenberg d.e. starta gjestgiveri og skysstasjon på Årdalstangen i 1860. Han vart kalla Store-Jens Klingenberg, og var m.a. mykje nytta som kjentmann for dei første fjellturistane.
Vetti gard
i Utladalen har heilt sidan midten av 1800-talet teke imot fjellturistar, og bøndene på garden har i fleire generasjonar vore dyktige fjellførarar.
Aardal Hotell
i Øvre Årdal vart starta ca. 1920. Ein Valdres-mann som heitte Hegge, kjøpte ein del tomteland i Øvre Årdal og bygde hotellet, som vart drive den første tida av dottera, frk. Hegge, under namnet "Hegges Hotell". Hotellet hadde kring 25 senger. Ca. 1940 kjøpte Jørgen Hæreid hotellet. No vert Årdalsstova driven i det gamle hotellbygget av Jan Tore Hauge.
Farnes Hotell
i Øvre Årdal vart starta ca. 1920 av Synnøve Midtun. Hotellet hadde kring 20 senger, og vart drive til ca. 1950 av Synnøve sine døtre Emma og Anna Midtun.
Vee Hotell
vart drive ei kort tid på 1920-talet på garden Ve i Øvre Årdal av Olav Ørbech Vee. Etter å ha seld fallrettar i Tya og store tomteareal til Tyinfaldene, bygde faren Ola eit tre-etasjes hus på garden. Det var i dette huset at Vee Hotell heldt til og kunne huse vel 10 gjester.
Gjesteheimen i Øvre Årdal
- sjå
Sitla Hotell.
Gjesteheimen i Øvre Årdal vart starta av Sogn Indremisjon ca. 1962.
NAF Campingplass
på Årdalstangen vart starta på 1960-talet. Campingplassen vart utbygd med fleire hytter. Ragnar Løkken dreiv campingplassen i fleire år før eigarane av Lærdal Ferie og Fritidspark A/S (Sjå denne under
Gjestgjevarstader i Lærdal) overtok i 1998 og andra namnet til Årdalstangen Feriepark.
Utladalen Camping
vart skipa i 1981 av Karl Høgmo med fleire. I 2006 overtok Tom Høvik frå Drammen som eigar. Campingsplassen har i 2006 14 hytter og 40 teltplassar.
Årdalstangen Feriepark
skipa 1998 – sjå NAF Campingplass.