|
Matematikk-time ved Skei skule. (Foto: NRK) |
Sokneprest Erik Olsen
f. 1816, var prest i Jølster frå 1864 til 1871, då han fekk avskjed p.g.a. sjukdom. Etter at han vart pensjonist, dreiv han ei tid privat skule for ungdom som ville førebu seg til artium.
Johannes Aalhus
(1880 –1910) frå Ålhus var lærar og målmann, som m.a. heldt kveldsskule med opplæring i nynorsk. Han stod sentralt i målstriden i Jølster kring 1905.
Heimeyrkesskulen i Jølster vart grunnlagt i 1945 av lærar
Kristian Eikås. Skulen var kommunal fram til 1949, då fylkeskommunen tok over drifta.
Sentraliseringstrid
Mellom øvre og nedre Jølster har det i dei fleste lokaliseringssaker vore sterke spenningar, der Skei og Vassenden har stått imot kvarandre. Slik var det også ved skiping av ungdomsskulen på byrjinga av 1970-talet. Kommunestyret vedtok at ungdomsskulen skulle samlast i sentralskule på Skei – eit vedtak som nedre bygda aldri fann seg til rette med. Etter 5 års drift, fekk difor nedre Jølster sin eigen ungdomsskule i eit påbygg til barneskulen på Vassenden.
Årdølene med eigen privatskule
Årdal hadde frå gamalt vore ”kommunesenter” med sparebank , der kommunale kontor leigde seg inn. Her vekte det sterke reaksjonar då kommunestyret vedtok at skulekrinsen skulle leggjast ned og borna sendast til Skei barneskule, og folk i Årdal gjekk til skulestreik. Årdølene skipa i 1972 eigen privatskule i Årdal med kring 30 elevar.
Privatskulen varde eitt år. Deretter fekk bygda ei ordning der dei eldste borna vart flytta til Skei, medan dei yngste fekk bli i Årdal i eit samarbeid med barnehage. Skulen i Årdal var lagt ned i 1987.
Dagens skular:
Skei skule (1.-10. kl.) 202 elevar
Vassenden (1.-10. kl.) 239 elevar