I USA var han arving til eit av dei største stålverksselskapa. Kom til Nordfjord første gong i 1912, og budde første åra på
Yris Hotell. Bygde seinare sin eigen residens ”Dalheim”, der han omgav seg med kunstnarvener. Mellom desse var nederlendaren Jaap Doijwaard, som i mellomkrigstida dreiv kunstskule i Olden.
|
Singer fekk bygd "Dalheim" - i dag kalla Singerheimen i Olden. (Foto: Arild Nybø, NRK) |
Gav pengar til lokale tiltak
|
Interiør i Dalheim. |
Singer gav store pengegåver som gjorde det mogeleg å byggje
Nordfjord sjukehus på Nordfjordeid. Opna i 1936 med 40 senger. Han også gav store summar som forskot til vegsambandet Olden-Innvik, opna i 1936. Han syrgde og for pengar til restaurering av gamlekyrkja i Olden frå 1759, og gav rentefritt byggjelån på 50.000 kroner då Firda Gymnas på Sandane bygde skulehus i 1924.
|
700 gjenstandar etter Singer er lagra i Bergen. |
Donerte "Dalheim" til fylket
Etter at Singer og kona Anna døydde, vart Dalheim donert til fylket som rekreasjonsheim for sjukepleiarar, og ei stor samling av antikvitetar og kunst gjekk til Vestlandske Kunstindustrimuseum i Bergen, der det meste er utstilt i eit spesielt ”Singer-rom”.
|
I Singer sitt atelier er det galleri med utstilling av bileta hans. (Foto: Arild Nybø, NRK) |
Singer vart utnemnd til Kommandør av St. Olavs Orden med stjerne for samfunnsinnsatsen sin i Nordfjord.
|
Singerheimen - Dalheim - vart donert til Sogn og Fjordane fylkeskommune. (Foto: Torje Bjellaas, NRK) |