Sjå resultatet for Møre og Romsdal her!

Asmund Kristoffersen er inne for Ap (Foto: Ivar Eidheim)

Arbeidarpartiet hadde kl 02 i natt vel 300 røyster færre enn Frp. I prosent betyr det Ap 26,1, Frp 26,3 prosent. Framstegspartiet hadde også den klart største framgangen sidan forrige stortingsval med 9,1 prosentpoeng. Ap hadde også stor framgang med 6,5 prosentpoeng.

Men valresultatet tyder ikkje på at verken Frp eller Ap får fleire mandat enn dei fekk etter 2001-valet. Det inneber at desse partia får to mandat kvar.



Klokka 02 i natt tyder teljinga på at berre Venstre får auka representasjon frå fylket.

Leif Helge Kongshaug er inne igjen for Venstre (Foto: Rune A. Hansen, NRK)

Partiet har ikkje hatt nokon stortingsrepresentant frå Møre og Romsdal den siste perioden, men no ser det ut til at Leif Helge Kongshaug igjen kan ta sete på Mørebenken.

Medan han er sjuk blir Venstre representert av Gunn Berit Gjerde.

KrF er den største taparen, og misser eitt av sine to mandat.

Også Høgre går tilbake og misser eitt mandat.

Elisabeth Røbekk Nørve (H) smilte tappert, men må innsjå at det ikkje blir stortingsplass denne gongen. May Helen Molvær Grimstad i bakgrunnen får halde fram for KrF. (Foto: Ivar Eidheim)

Ved midnatt såg det ut til at SV framleis blir representert frå Møre og Romsdal, gjennom utjamningsmandatet.

Dette har endra seg fleire gongar i løpet av måndag kveld, og er framleis ikkje heilt sikkert.

– E æ inne? E du sekker? Bjørn Jacobsen (SV) er truleg til slutt inne på utjamningsmandat. (Foto: Ivar Eidheim)

– E æ inne? E du sekker? Bjørn Jacobsen (SV) er truleg til slutt inne på utjamningsmandat. (Foto: Ivar Eidheim)