Teljinga så langt viser at Framstegspartiet og Arbeidarpartiet går kraftig fram i Møre og Romsdal.
Klokka 2150 hadde Frp 26,9 prosent av stemmene og var med det større enn Ap med 25,9 prosent. Framstegspartiet sin framgang er så langt på formidable 9,7 prosentpoeng i Møre og Romsdal.
Men det er etter at berre knapt 31.000 av røystene er talde opp.
I alt er det over 183.000 som har røysterett i fylket.
Følg oppteljinga for Møre og Romsdal her!
Tala omlag klokka 2045 viste at Ap har ei oppslutning på 25,9 prosent og dette er ein framgang på 6,3 prosentpoeng sidan valet i 2001.
Frp er nesten like stort, med 25,1 prosent, og ein framgang på 7,9 prosentpoeng.
Den store taparen så langt er Kristeleg Folkeparti, som har ei oppslutning på 12,4 prosent, og dette er ein tilbakegang på 7,4 prosentpoeng.
Også Høgre har ein markant tilbakegang på 3,5 prosentpoeng til 13,7 prosent.
For dei andre partia er det berre mindre endringar.
Det må understrekast at dette er tidleg i opptellinga.