Berre 0-0 for Hødd

Eirik Hoseth som spelte med ansiktsmaske hadde ein stor sjanse i 1.omgang då han var åleine med keeper, som redda.

Kampen var jamspelt og sjansefattig, men mange på Høddvoll såg nok langskotet frå Erik Sandal i nota mot slutten av 2.omgang. Keeperen til Kongsvinger redda med eit tigersprang.

Dermed enda kampen 0-0 og Hødd er framleis nest sist på tabellen med to poeng på dei fire første kampane. Hødd-kaptein Andre Nevstad fekk for øvrig sitt andre gule kort på desse fire kampane, og må sone neste gong han får sjå gulfargen.

Rundt 1100 tilskodarar såg kampen i det fine vårveret på Høddvoll.